15 de June, 2021

Campaña Liberdade de ser e sentir! impulsada dende a área de Igualdade da Deputación da Coruña botou a andar esta semana!

Dende Ser e sentir! queremos convidarvos a que visitedes a nosa web seresentir.gal onde atoparedes un feixe de recursos que podedes compartir. Animámosvos a que a entredes na web e lle botedes un ollo á programación que se desenvolverá ao longo do mes de xuño.

Entre outros recursos podedes atopar contacontos, vídeos presentación de colectivos LGTBQI+, refrescar conceptos coas pílulas divulgativas que iremos colgando ao longo do mes ou  desafiarvos no  "rosco pasapalabra"  arredor de termos relacionados coas diversidades sexuais.

Todos estes recursos e moitos máis, que iremos publicando ao longo destas semanas, están á vosa disposición para que consultedes, gocedes e espalledes nas vosas redes sociais empregando os cancelos #seresentir e #DeputacióndaCoruña coa finalidade de sensibilizar, concienciar e reivindicar o día da diversidade sexual.

---

Dentro desta campaña, celebrarase o congreso "A MEMORIA DIVERSA"

Datas: venres 18 e sábado 19 de xuño.

Lugar: Pazo de Mariñán (Bergondo)

Descarga o pdf para máis información.

Arquivos:

CARTEL-ACTIVIDADES.jpg

memoria_diversa.pdf